BUTUAN CITY – Gibana-banang muabot sa tunga sa milyon ang damyos human nalamoy ang 3 ka panimalay samtang laing balay usab ang partially damage sa sunog kaganinang alas 2:23 sa kaadlawon sa may Purok-11, Barangay Obrero ning siyudad sa Butuan.
Ang na-ugdaw nga panimalay ang gipanag-iyahan nila Pio Canete, Dolora Dolera ug Lourdes Miranda.
Nagsugod matud pa ang pagulbo sa kalayu sa panimalay ni Miranda ug gitoohang Electrical faulty wiring ang hinungdan niini.
Daling nakaresponde usab ang 3 ka firetruck sa Bureau of Fire Protection kon BFP-Butuan sa panguna ni SFO$ Rodrigo Canton.
Sa pakighinabi ning sibyahan kang Barangay Obrero Kapitan Cezar Berdina, gipaneguro niini ang tabang nga ilang itunol, gawas pa sa City Social Welfare and Development, sa mga biktima sa sunog.
Sumala pa ni Kapitan, gelayon silang maghimu ug session aron sa ingon makagawas ug funding aron makahatag ug hinanaling tabang sa apektadong indibidwal.
Alayon sa panghitabo, nagpahinumdum nalang si Kapitan Berdina sa pagbantay sa kanunay ilabina sa wiring nga kasagarang hinungdan sa sunog ilabina ning panahon sa ting-ulan.
