BUTUAN CITY – Nakatala na usab og 3 ka bag-ong patay ug 21 ka mga bag-ong kaso sa COVID-19 ang Caraga Region kondiin 12 niini ang mga lalaki samtang siyam ang mga babaye ug 71-porsiento niini ang anaa sa edad nga 21 hangtud sa 50-anyos.
Sa pinaka-ulahing situational report nga gipagawas sa Department of Health-Center for Health and Development kon DOH-CHD Caraga, nasuta nga nakatala og tag-usa ka kaso ang mga lungsod sa Kitcharao, Agusan del Norte, San Francisco, Agusan del Sur ug Brgy. Poblacion sa Bislig City; 8 ka kaso usab sa Surigao del Norte nga nabahin sa mga lungsod sa Taganaan-4; Claver-3 ug usa sa Alegria.
Nakatala usab og tulo ka mga kaso ang Surigao City nga natala sa Brgy. Washington – 2 ug usa sa Brgy. Talisay samtang tulo ka kaso usab sa Madrid, Surigao del Sur.
Upat ka mga kaso usab ang natala sa Butuan City nga nabahin sa duha ka kaso sa Brgy. Tiniwisan ug tag-usa ka kaso sa Brgy. Ambago ug Ampayon.
