BUTUAN CITY – Nagpadayon karon ang search and retrieval operations alagn sa tulo ka membro sa usa ka pamilya human natabunang buhi sa natigayong landslide ning mi-aging alas-siete sa gabii sa P-9 Sitio Minalong, Brgy. Kahusayan, lungsod sa Kitaotao, Bukidnon.
Naila ang mga biktima nga sila Ryan Cortez, 42-anyos, iyang asawa nga si Echel, ug ang ilang 3-anyos nga anak nga si Elizabeth. Ning mi-aging Oktubre 17, narekober sa mga sakop sa Municipal Disaster Risk Reduction and Management Office sa lungsod sa Kabacan, Cotabato ang patay’ng lawas sa usa ka babaye nga na-anod sa usa ka water tributary kinsa kumpirmadong usa sa mga na-missing sa maong landslide.
Kagahapon sa alas-dose sa udto, gihunong ang search and retrieval operation sa dapit nga nahitabuan human nga wala sila’y napalgang patay’ng lawas o kaha survivor. Apan duna’y patay’ng lawas sa usa ka lalaki ang napalgan usab sa water tributary sa P-12, Brgy. Kitobo, lungsod sa Kitaotao kinsa kumpirmadong usa sa mga biktima human na-ilhan sa iyang amahan.
