-- ADVERTISEMENT --
BUTUAN CITY – Tulo ang angol human nahulog gikan sa iyang gitakuran nga ibabaw nga bahin sa building ang antenna tower sa Juander FM radio sa may Borromeo St., Surigao City lalawigan sa Surigao del Norte.
Naila ang mga angol nga sila Delarosa Bodiongan, 66-anyos, usa ka 6-anyos nga batang babaye ug ang 45-anyos nga si Evangeline Barila samtang tulo usab ka mga sakyanan ang nadamyos.
Nasayrang tungod sa kusog nga hanging dala sa bagyong duna’y international name nga Bebinca, napalid niini ang maong tower hinungdan sa pagkahulog atubangan mismo sa Surigao City Police Station.
Dali usab kining giresponihan sa taga-City Disaster Risk Reduction and Management Council kon CDRRMO.
