BUTUAN CITY – Hoyhoy ang abaga sa duha ka tulisan human sila natud-an sa kapulisan sa Bajada Police Station ug nasikop, pila ka oras lang human malampusong natulisan ang usa ka coffee shop kagahapon sa kaadlawon sa may JP Laurel Avenue, sa Brgy R Castillo, Davao City.
Gi-ila sa Bajada Police Station ang mga nadakpan nga sila alyas Ricky, 21-anyos nga taga-San Rafael ug Ernesto, 42-anyos taga Brgy. 8-A sa susamang siyudad kinsa sakay sa bao-bao dihang misibat apan pinaagi sa tabang sa CCTV footages ug deskripsyon gikan sa nakasaksi ug sa gigamit nga getaway vehicle, gilayong gilusad sa kapulisan ang hot-pursuit operation ug malampuson silang nasubay ug naaresto sa Lower Madapo, Bankerohan, Brgy. 5-A.
Narekober sa ilang posisyon ang usa (1) ka unit sa yellow nga Bajaj nga maoy gigamit nilang getaway vehicle, usa ka .38 nga revolver nga dunay duha (2) ka buhing bala, ug sling bag.
Kasong robbery ug kalapasan sa RA 10591 ang ilang atubangon samtang temporaryo una silang gipaslak na sa prisohan samtang gi-atiman pa ang tukmang mga dokumento nga gamiton sa pagsang-at og mga kaso ngadto sa korte.
