-- ADVERTISEMENT --
BUTUAN CITY – Gikumpirma sa Chinese Embassy sa Mynila nga duha ka Pilipinong tripulante ang namatay samtang usa ang kritikal nga nasamdan human mitiklaob ang ilang gisakyang Singaporean-flagged cargo vessel nga M/V Devon Bay sa Scarborough o Panatag Shoal sa may West Philippine Sea.
Sa report nga gipagawas sa embahada, 17 sa 21 ka Filipino crew members ang naluwas sa China Coast Guard samtang padayon pa nga gipangita ang upat nga missing.
Sa mga naluwas, 14 ang anaa sa stable nga kondisyon ug usa ang giatiman sa emergency medical treatment.
Ang embahada nagpasabot nga ang barko nagbiyahe gikan sa Pilipinas padulong sa Guangdong, China dihang nahitabo ang insidente.
