BUTUAN CITY – Wala magpalupig ang mga entrante sa Bombo Radyo Butuan human nga dinhi naggikan ang napiling ikaduhang regional winner sa Mindanao area alang sa 1-2 Panalo Year 23 promo sa Star FM ug Bombo Radyo.
Kini pinaagi sa 65-anyos nga si Teofenisa Javier sa Purok 2, Brgy. Kinamlutan ning siyudad sa Butuan kinsa migamit og label sa Syngenta isip iyang proof of purchase ug iyang gihulog sa Week No. 2.
Unang nabunutan ang 3rd regional winner nga 50-mil pisos pinaagi kang Jenny Repoponio, 56-anyos, residente sa Bulalo, Sultan Kudarat, Maguindanao del Norte samtang ang sien-mil pisos nga first prize winner mao si Myrna Fe Masilag, 60-anyos, residente sa Brgy. San Roque, Zamboanga City kinsa migamit og Syngenta isip proof of purchase.
Samtang sa Visayas area, ang nakakuha sa 50-mil pisos nga regional winner mao si Nancy Villarde, 48-anyos, residente sa Plaridel Sr sa Roxa City, Capiz kondiin ang iyang proof of purchase mao ang Birch Tree samtang ang 70-mil pisos usab, nakuha ni Samuel Maalam, 50-anyos, residente sa Purok Molave, Brgy. Tunghaan, lungsod sa Minglanilla, Cebu kondiin migamit siya og putos sa MX3 capsule ug ang sien-mil pisos nga 1st regional winner alang sa Visayas area, nakuha ni Rosalia Alabel, 56-anyos, residente sa Veteran’s Village sa Iloilo City Proper kondiin ang iyang proof of purchase nga gisukip mao ang MX3 capsule
