BUTUAN CITY – Gipahigayon ang 2nd Quarter 2024 Butuan City Development Council Sectoral Working Committee Meeting ning adalawa sa VCDU Grand Convention Hall Barangay Villa Kananga ning syudad.
Gilangkuban ang maong meeting sa duha ka sektor nga Economic Development Sector ug Environment Development Sector kansa nagpresenta sa ilang tagsa-tagsang Annual Investment Program kon AIP alang sa tuig 2025.
Sa economic sector, usa sa gitutukan sa City Agricultural ug Veterinary Department ang agriculture, fishery ug agro-forestry, teknolohiya ingon man ang learning and development. Gitutukan usab ang pagestablisar sa Regional Trading Center isip Agri-business Corridor. Pagsuporta sa Butuan Logistics Network (Farm-to-markets roads, Seaport ug Airport) ug uban pa.
Naka sentro usab sa pagpatuman sa Full Automation sa Business Permitting and Licensing ang City Business Permit and Licensing Department. Sa City Economic Business Development Department usa sa gitutukan niini ang pagporma sa Local Poverty Reduction Action Plan, pagporma sa NMSME Development Plan, Revenue Generation Programs ug Services, Digitalization Plan ug uban pa. Ang City Employment Services Department nakasentro kini sa Localization/Replication sa Special Programs for Employment sa mga estudyante. Ug ang City Tourism and Cultural Affairs Department nakasentro kini sa Annual Culture and Arts Development Plan, pagpalambu sa Heritage parks, mountains parks, river parks ug uban pa.
Samtang nakatutok usab ang Environment Sector sa City Disaster Risk Reduction and Management Department, Local Climate Change Action Plan, Local Risk Reduction Management Plan ug uban pa ang gititutukan niini. Ug ang City Environment and Natural Resources Department usa sab sa gitutukan niini ang Deklarasyon sa Local Conservation Area (Wetland sa Barangay Pagatpatan ug Isla sa Noah sa Barangay Lumbocan), Revision sa Butuan City Water Code Ordinance (Water Resource Management and Protection) ug uban pa.
Alayon niini giaprobahan sa mga myembro sa matag sektor ang gipakitang AIP 2025. Samtang gikatakda na usab ang 2nd Quarter 2024 BCDC Sectoral Working Committee Meeting sa ubang sector nga naglangkub sa social, infrastructure ug institutional.
Sayran nga ang sa quarterly sectoral meeting, usa sa paagi sa consultation process aron masayran sa sektor ang padulngan ug aron usab masayran ang focus sa comprehensive plan sa tuig 2026 hangtud tuig 2031 niini pinaagi sa paghimo sa medium term plan nga nagsunod sa annual investment plan.
