BUTUAN CITY – Parehong gideklara nga “insufficient in substance” sa House Committee on Justice ang duha ka impeachment complaints nga gisang-at batok kang Pangulong Ferdinand Marcos Jr.
Sa botohay may kalabutan sa De Jesus complaint, 42 ka miyembro ang miboto nga kulang ang substansiya sa reklamo, 3 ang misupak, samtang 1 ang mi-abstain. Samtang sa Masa et al. complaint, 39 ka miyembro ang miboto nga dili igo ang substansiya sa reklamo, samtang 7 ang miboto nga igo ang substansiya niini.
Sigon ni Committee chairman Gerville Luistro, kini nagpasabot nga ang mga alegasyon sa reklamo wala’y igong factual ug legal basis aron magpadayon sa sunod nga hugna sa impeachment process tungod sa kawala’y lig-on nga ebidensya nga makasuporta sa mga akusasyon batok sa Pangulo.
