BUTUAN CITY – Mi-abot na sa ₱2,000,000.00 ang reward nga gihanyag niadtong makatudlo unya muresulta sa pagkasikop sa riding-in-tandem suspects nga mipusil-patay sa media man nga si Erwin ‘Boy’ Segovia, alyas Boy Pana kaganinang alas-8:50 sa buntag didto sa Brgy Purok 3, John Bosco District, Mangagoy, Bislig City, lalawigan sa Surigao del Sur.
Kini human unang nag-offer si kanhi Cantilan, Surigao del Sur Mayor Carla Lopez-Pichay ug ₱1,000,000.00 nga gisundan usab og susamang kantidad sa managsoong sila Surigao del Sur 2nd District Rep. Alexander ‘Ayec’ Pimentel ug Governor Johnny Pimentel.
Sa kasamtangan, nakig-alayon na si kanhi Mayor Carla Pichay ngadto sa mga local ug national law enforcement agencies aron pangitaon ug patubagon sa kremin ang mihimo niini sa maong radio commentator kansa hugot niyang gikondena.
Dili matud pa siya muhunong hangtud nga dili mapanubag sa ilang salaud ang mga responsable.
