BUTUAN CITY – Duha ka tawo ang angol sa natigayong pagpamusil nga naglambigit sa mga federal agents sa Portland, Oregon kondiin usa ka lalaki ug usa ka babaye ang gidala sa ospital.
Sumala sa Department of Homeland Security (DHS), nahitabo ang insidente atol sa usa ka traffic stop human nga usa ka miyembro sa Venezuelan gang ang misulay matud pa og bangga sa mga ahente gamit ang iyang sakyanan.
Nahitabo kini usa ka adlaw human sa pagpusil-patay usab sa usa ka federal agent ang usa ka babaye sa Minneapolis, nga mipa-ulbo sa mga protesta sa tibuok Estados Unidos batok sa mga operasyon sa federal law enforcement sa mga siyudad sa Amerika. Ang pasahero sa sakyanan ug ang target nga usa ka Venezuelan, ka-anib matud pa sa transnasyonal nga Tren de Aragua prostitution ring ug nalambigit sa usa ka bag-ong pagpamusil sa Portland.
Sigon sa report, dihang gipa-ila sa mga ahente ang ilang kaugalingon sa mga sakay sa sakyanan, gihimo sa drayber nga armas ang iyang sakyanan ug misulay paglusob sa kapulisan rason nga gipusil kini apan mikagiw gikan sa lugar.
Sigon sa Portland Police, wala sila’y labot sa pagpamusil tungod kay gitawag lamang sila human makadawat og mga report mahitungod sa insidente. Ang duha ka tawo nga napusilan nakit-an pipila ka bloke ang gilay-on gikan sa dapit nga nahitabuan.
