BUTUAN CITY – Klik karon sa Sankt Petersburg ug sa Moscow, Russia ang BW Kafe tungod sa pinasahi niining desenyo sa sulod.
Ang BW Kafe unang mihimo og international headlines ning mi-aging tuig, dihang nag-viral ang ilang branch sa Sankt Petersburg kansa gidesenyo ni Russian artist Anfisa Toshina, nga mura ra og gi-sketch tan-awon nga daw gigamitan og charcoal diha sa white paper, rason nga kung anaa ka na sa sulod, daw ikaw lang ang bugtong 3D “object” sa usa ka two-dimensional world.
Kini nga tibuok coloring book nga konsepto dili na bag-o tungod kay una kining gi-introduce sa South Korea, pinaagi sa mga designers sa Cafe Yeonnam-dong 239-20, hangtud nga gikopya na kini sa mga entrepreneurs aron himuong capital ang sikat nga desenyo.
Makita na usab kini hangtud nga naka-abot na karon sa Russia.
Kung klik kaayo ang puno sa kolor nga palibot nga i-post nimo sa imong social media account, seguradong mas mu-klik kini kung maka-abot n kini dinhi sa nasud.
