Magbisitahan nga Maranao sa Butuan City, nakuhaan ug 1.7 million pesos nga shabu
BUTUAN CITY – Gi-andam na ang kasong ipasaka batuk sa usa ka dayu ning siyudad sa Butuan human kini nasikop sa buybust operation alas 10:00 kaganinang buntag diin nakuhaan ug gibana-banang 1.7 milyones nga gitoohang shabu.
Gilusad ang maong operisyon sa mga ginsakpan sa Butuan City Police Office sa Butuan Premium bus terminal diin nasikop ang usa ka Arman Tambilawan Pinto, usa ka Maranao, menyu nga taga Payahaw, Calbayog City, Samar apan nagpuyo matud pa sa Lanao Del Norte.
Nakumpiska sa posisyon sa suspek ang 7 ka sachet sa maong epektus nga mitimbang ug 170 gramos diin ang market value niini miabot sa 1.7 milyones pesos. Lakip na ang marked money nga 3-mil pesos ug cellphone.
Sa pakighinabi ning sibyahan sa suspetsado, gibutyag niini nga tungod sa kalisud sa panginabuhian, misugot siya sa sugo sa iyang barkada nga dalhon ang maong shabu nga gikan pa sa Pagadian City, dinhe sa dakbayan.
Andam usab niini nga dawaton ang silot sa iyang illegal nga binuhatan.
Samtang gipahayag usab ni SPO1 Pagula nga bag-ong personalidad ang ilang nadakpang suspek.
Gane wala matud pa kini na-apil sa ilang listahan.
Apan base sa ilang agent nga dunay direktang kontak sa suspek, dinaghan ang i-deliver sa dinakpan.
Sa karun, gikustudiya na sa Butuan City Police Office ang suspek alang sa tukmang disposasyon.
