BUTUAN CITY – Gisang-at ang “Not Guilty” plea sa 29 ka mga pulis gialigahang may kalabutan sa ₱6.7-billion drug haul niadtung 2022. Kini human sa pagbasa sa kaso sa nasangpit nga mga akusado kagahapong adlawa.
Kahibaloang nadayon ang pagbasa sa kaso taliwala sa gihaong mosyon sa matag kampo. Dugang niini, gisang-at usab sa kampo ni Police Master Sergeant Rodolfo Mayo ang Motion to Quash sa Manila RTC Branch 175.
Ang motion to quash mao ang mosyon kansa nag sugyot nga dili na ipadayon ang kaso tungod sa sayop nga mga desisyon sa korte. Pamugos sa abogado ni Mayo nga biktima lamang kini ug dili dapat mag-atubang og kaso.
Subay niini, pakyas usab ang kampo sa maong Sarhento nga mabalhin ang kustodiya niini sa PNP Custodial Center gikan unta sa Metro Manila District City Jail human nga wala kini gipaburan sa korte. Sayrang himoon na usab ang pagdungog sa 29 ka mga pulis karong Pebrero 14, ning tuiga.
Kahinumdumang niadtung Oktubre 2022, nakuha sa mga kapulisan ang anaa sa 990 kilos shabu sa Tondo, Manila, diin nagkantidad kini og anaa sa ₱6.7-billion.
Lakip sa mga nasikop si Police Master Sergeant Rodolfo Mayo, apan nasuta sa korte nga anaa sa 29 ka mga pulis pa ang sad-an sa pag cover-up sa nahisgutang pinaka dakong drug haul sa kasaysayan sa Pilipinas.
