Permit sa 28 ka mga kompanya sa Indonesia, gi-revoke human ang lapad nga pagbaha

BUTUAN CITY – Gi-revoke sa gobyerno sa Indonesia ang permit sa 28 ka kompanya sa Sumatra human sa audit nga nagpakita og mga paglapas.

Ang mga kompanya naglakip sa 22 ka forestry firms nga naglangkob ug kapin usa ka milyon ka ektarya, ug unom pa ka kompanya sa mining ug hydroelectric.

Ang desisyon giaptuman human sa trahedya nga pagbaha ning miaging tuig nga nakapatay sa kapin 1,000 ka mga tawo, tungod sa ilang gilambigitang deforestation.

Gi-ingon sa gobyerno nga gusto nilang masiguro nga ang mga negosyo nga naggamit sa natural resources mosunod sa balaod tungod sa padayon ang pagkawala sa dagkong bahin sa kalasangan sa maong nasud.