BUTUAN CITY- Gisaulog sa Department of Environment and Natural Resources o DENR Caraga Regional Office ang 26th Philippine Eagle Week ning semanaha pinaagi sa tema nga “Takbo ng Pag-asa: Para sa Kagubatan at Agila.”
Gisugdan kini niadtung Hunyo 4 nga matapos usab ugmang adlawa. Sumala pa ni DENR Caraga Assistant Regional Director for Technical Services Maritess M. Ocampo, nga dili lamang matuf pa simbolo ang agila sa Pilipinas, kundili, simbolo usab kini sa kalig-on sa mga Pilpinino nga mo bangon sa bisan unsa mang pagsulay sa kinabuhi.
Usa sa mga highlight sa maong selebrasyon ang Poster-making contest sa mga kabataan alang sa awareness kon kahibalo mahitungod sa pagprotekta sa kalasangan nga maoy puloy-anan sa mga agila, kansa nailang endangered species sa Pilipinas. Anaa sa 10 ka mga estudyanete gikan sa nagkalainlaing dapit ning rehiyon ang ning salmot sa maong indigay.
