BUTUAN CITY – Dako ang mahatag nga kaayuhan sa open coverage sa bicameral committee conference deliberation sa 2026 National Expenditure Program tungod kay maghatag kini og kahayag sa mga proseso nga kaniadto gihimo nga tago, ilabina sa pagpasulod og mga kuwestiyonableng pondo sa budget.
Sumala ni Jeffrey “Ka Eric” Celiz, Secretary General sa Bangon Sambayanan, kritikal ang bicameral conference diin dinhi gihimo ang final version sa budget bill nga i-indorso sa Kongreso ug pirmahan sa presidente aron mahimong General Appropriations Act.
Na-obserbahan ni Celiz nga nagpabilin gihapon ang mga insertions kansa gi-ila sa independent investigative media nga porma gihapon sa pork barrel o allocables. Sigon ni Celiz, si Congressman Faustino “Bojie” Dy III adunay kapin sa ₱3 bilyon nga insertions apil si Rep. Mikaela Angela “Mika” Suansing sa Committee on Appropriations, usa ka estratehiya nga susama matud pa sa pamaagi kaniadto nila Martin Romualdez ug Zaldy Co.
Klaro usab nga ang maong mga insertions, wala sa National Expenditures Program ug wala miagi sa hustong plano ug pagtuon, hinungdan nga delikado kini ug kasagaran maoy tinubdan sa korapsyon ug pagpanulis sa pondo sa katawhan.
