BUTUAN CITY – Gipirmahan na ni Pangulong Ferdinand Marcos Jr. ang General Appropriations Act (GAA) alang sa Fiscal Year 2026 atol sa seremonya sa Malacañan Palace nga gihimo ning buntaga lang.
Kini mao ang national budget nga magtakda sa gastohon ug programa sa gobyerno alang ning tuiga aron mahatagan og pundo ang mga ahensya sa gobyerno sa ingon ipatuman ang ilang mga proyekto ug serbisyo sama sa edukasyon, panglawas, imprastruktura, ug social protection.
Ang pondo gi-allocate aron suportahan ang mga programa sa ekonomiya ug trabaho kondiin karong tuiga, mas dako nga budget ang gigahin alang sa panglawas, edukasyon ug poverty alleviation.
Padayon usab ang Build Better More projects aron mapalambo ang transportasyon ug connectivity.
Ang pagpirma sa GAA usa ka milestone sa pagsugod sa tuig, nga nagpasabot nga andam na ang gobyerno sa pagpatuman sa mga plano ug serbisyo alang ning tuiga.
