BUTUAN CITY – Mi-abot sa 26 ka mga living spacers kon mga piniriso sa Agusan del Norte Provincial Jail ang migradwar karong adlawa sa ilang gipahimuslang Alternative Learning System kon ALS sa Department of Education ilawom sa Education Behind Bars program 2023-2024.
Sa ekskluksibong pakighinabi sa Bombo Radyo Butuan, gibutyag ni provincial jail warden Fermin Antenorio nga sa maong ihap, 22 ang graduate sa senior high school samtang upat ang sa elementarya.
Ang nang-graduate sa elementarya, makapadayon sa ilang junior high sa pag-abli sa school year 2024-2025 samtang ang mga junior high graduates, makapadayon usab sa ilang senior high.
Aminado si Antenorio nga taud-taud na kini nga educational program nga gipatuman sa provincial jail apan karon lang sila nakapahigayon og formal graduation rites aron mabati sa mga living spacers ang katam-is sa ilang kalampusan.
