BUTUAN CITY – Padayon pang gipanubayan sa Butuan City Police Station-1 ang natigayong pagpangluba pasado alas-10:15 kagabii nga miresulta sa pagkamatay sa usa ka dalaga.
Naila ang biktimang si Red Jean Moscoso Alfeche, residente sa Purok 3, Brgy. Banza ning siyudad sa Butuan.
Sigon sa amahan sa biktimangsi Alan Obando Alfeche, nadunggan na lang nang misinggit ang iyang anak ug dihang iyang girespondehan, nakita niya ang usa ka lalaking migawas sa ilang balay agi sa nabuslot na nga bungbong kinsa nagsuot og kolor itom nga pantalon ug sweat shirt samtang naghulat usab sa gawas ang driver sa motorsiklo nga puls usab naka-itom og tshirt, pantalon, jacket ug helmet ug misibat padulong sa Brgy. Mahogany.
Wala na maluwas pa ang biktima tungod sa daghang mga samad-linubaan sa iyang kalawasan.
