BUTUAN CITY – Nagpakatag na og pwersa ang Surigao del Norte Police Provincial Mobile Force Company alang sa ipahigayong 25th International Surfing Cup sa Siargao Islands lungsod sa General Luna nga buksan ugma sa hapon, Oktubre 5.
Sigon ni company commander PCol Rudy Elandag, mihimo na siya og coordination meeting sa iyang mga counterparts alang sa maong kalihukan.
Lakip na niini ang tali sa pwersa sa Task Force Siargao, Local Government Unit, Surigao del Norte Provincial Tourism, Philippine Army, Philippine Coast Guard, Philippine Navy, PNP Matime, Bureau of Fire and Protection ug ubang pang force multipliers alang sa synchronized public safety and security operations.
Sa eksklusibong pakighinabi ning sibyahan, gibutyag niining kinahanglan nilang seguruhon ang kaluwasan sa tanan apil na ang mga local ug foreign tourists, VIPs ug uban pang mga stakeholders nga musaksi sa lima ka adlaw nga competition.
Mi-apela na lang siya sa tanang katawhan nga mutabang pagbantay sa palibot ilabina kung duna sila’y kadudahang mga tawo og mga butang aron masegurong hapsay ug malinawon ang maong kalihukan.
