BUTUAN CITY – Malampusong nasaulog ang ika-25 nga Naliyagan Festival 2017 dungan sa selebrasyon sa ika-50 ka tuig nga kamugnaan sa probinsiya sa Agusan Del Sur.
Sigon ni Maria Christina Basa, tourism Officer sa Naliyagan Festival, maayo ang pagkahiluna sa tanang aktibidadis sa maong festival ug ang tanan napatuman gayud sa og unsay gilauman.
Na-implementar usab ang saktong seguridad sa katawhan ilabina sa mga performers, diin walay natalang mga dagkong panghitabo.
Miabot matud pa sa kapin 20-mil ka mga bisita ang miduyog sa maong kasaulogan bisan paman sa nagtunhay nga martial law.
Nidayun usab sa paglambigit sa aktibidad ang mga bigtime nga mga personalidad sama nalang sa mga artista, mga performers gikan sa kauluhan ug mga nasyunal nga opisyal sama nalang ni Department of Agriculture kon DA Secretary Emmanuel Piñol nga mitambong sa USAD Farmer’s Day.
Dili usab matumbok sa tourism Officer kung pila gayud ang kinatibuk-ang gasto sa maong festival, apan giklaro niini nga ang pagpangandam sa dakong kalihukan, gi-alokaran ug 15 milyones pesos.
Alayon niini, nagpasalamat ang opisyal sa tanang naglihuk aron mahimong malampuson ang Naliyagan Festival 2017 sama nalang sa mga sponsors ug sa gobernador nga anaa sa tibook selebrasyon.
