BUTUAN CITY – Padayon pang gi-imbestigahan sa sa kapulisan sa Cebu City ang tinuod nga identity sa usa ka lalaking nasapon nga duna’y usa ka karton nga bagahe sa gidudahang shabu dihang mikanaog gikan sa gisakyan niyang barko kaganinang buntag ug midunggo sa Pier 4 sa maong siyudad.
Nasayran nga gikarga ang maong mga epektos sa usa ka kolor pula nga sakyanan ug dihang milabay sa random checkpoint sa mga sakop sa PNP Maritime, uban sa Philippine Coast Guard, Bureau of Customs ug Philippine Drug Enforcement Agency kon PDEA-Region 7, milingkod sa tungod niini ang K-9 dog rason nga gihabwa ang dala niining bagahe.
Gilingkuran usab sa K-9 dog ang ginaog nga karton ug dinhi nabulabog ang 25-kilos sa gidudahang shabu nga maoy gipanubayan karon kung diin gikan ug asa ang padulngan.
