BUTUAN CITY – Activated na ang Surigao del Sur Provincial Disaster Risk Reduction and Management Council Operation Center kon OpCen human nga gideklara na ang red alert status sa maong lalawigan tungod sa bagyong Basyang.
Sa iyang social media post, gipasabot ni Governor Johnny Pimentel nga 24-oras na ang monitoring nga himuon sa ilang OpCen sa tanang lungsod sa ilang lalawigan aron matubag gilayon ang mga kinahanglang himuon sa ingon masiguro nga wala’y matalang casualty sa pagllandfaill unya sa maong bagyo karong gabii o kaha ugma sa buntag.
Alayon niini, iya nang gimanduan ang tanang mga mayores sa lalawigan nga i-active na usab ang ilang DRRM councils Nanawagan na usab siya sa tanang mga mananagat nga dili na maglawod tungod kay delikado karon ang sitwasyon sa kadagatan.
Sa pagkakaron, mi-abot na sa 9,433 ka mga pamilya ang apektado nga gilangkuban sa 23-mil ka mga indibidwal.
Duna na usa’y namakwit sa managlahing kalungsuran nga mi-abot sa 600 ka mga pamilya kon bugti sa halos 2-mil ka mga indibidwal nga gila-umang madugangan pa tungod kay duna na’y pipila ka balay n ga gama sa light materials ang gibanlas na usab sa kusog nga bul-og sa tubig baha.
