-- ADVERTISEMENT --
BUTUAN CITY- Narekober sa 3rd Explosive Ordnance Disposal (EOD) Platoon sa Philippine Army ang 23 ka World War II-era bomb sa Balite, Barangay Buhangin, Davao City niadtong Enero 24, 2026.
Sumala sa mga awtoridad, kini mga Type 99, Nr 3, Mark 3 nga bomba, matag usa adunay gibug-aton nga 32 kilos, nga gigamit sa Japanese Navy sa World War II.
Samtang, gipahibalo sa EOD team nga bisan tuod karaan na kini, dako gihapon ang peligro nga madala sa publiko, mao nga gipahiluna dayon ang mga bomba aron masiguro ang kaluwasan sa tanan.
Gipahimangnoan sa lokal nga awtoridad ang publiko nga magbantay ug i-report dayon ang bisan unsang makit-an nga kahimtang nga susama niini aron malikayan ang kadaut ug aksidente.
