BUTUAN CITY – Mi-abot na sa 229 ka mga patay’ng lawas ang narekober sa mga rescue teams gikan sa duha ka natigayong landslides sa bukirang parte sa Goza zone sa southern Ethiopia niadtong Lunes sa buntag ug sa gabii tungod sa kusog nga pag-ulan.
Padayon ang subsob nga pagpangita pa sa mga posibleng survivors rason nga gikabalak-ang musaka usab ang death toll.
Makita sa footage ang gatusang mga tawong nagtapok sa dapit nga nahitabuan samtang ang uban nagkinub-kubay aron makuha ang mga natabunan sa midahiling lapok ug yuta.
Sigon ni Goza zone chief administrator Dagmawi Ayele, apil sa nangamatay ang mga hamtong ug mga bata samtang 10 ang naluwas ug gitambalan na sa ospital.
Nasayrang ang landslide niadtong Lunes sa buntag, oras sa Pilipinas, maoy nakapa-aghat sa mga police officers, mga mgtutudlo ug mga residente nga muhimo og search-and-rescue operations apan na-igo sila sa ikaduhang landslide hinungdan nga apil sila sa natabunan sa mga lapok ug yuta.
