BUTUAN CITY – Gi-monitor na sa Marine Environmental Protection Unit sa Coast Guard Station-Surigao del Norte ang lokasyon diin mitiklaob kagahapong adlawa ang cargo vessel nga LCT PACIFICA 1, sa kadagatang sakop sa Hinatuan Island ug Bucas Grande Island in Surigao del Norte.
Kini aron makahimo og tukmang lakang aron malikayan ang matigayong oil spill ilabina nga ang hull na lang sa barko ang makita.
Sa eksklusibong pakighinabi sa Bombo Radyo Butuan, gipadayag ni Atty. Romeo Dax Calamaya, station commander sa Coast Guard Station-Surigao del Norte nga base matud pa sa taho sa kapitan sa barko nga si Robert Espino, mibiya sila sa dakbayan sa Butuan karga ang buhangin ug padulong unta sa pantalan sa Dapa sa Siargao Islands, Surigao del Norte dihang gihapak sila og mga dagkong balud nga misulod sa engine room hangtud nga kini mitiklaob.
Nataymingan usab nga anaa sa bisinidad sa maong kadagatan ang commercial vessel nga si MV Veronica hinungdan nga naluwas nang daan ang 22 niini ka mga tripolante adiser naka-abot ang mga sakop sa Coast Guard nga nakadawat sa ilang distress call.
