BUTUAN CITY – Gikumpirma sa Philippine National Police (PNP) nga mi-abot na sa 21 ka indibidwal ang patay sa pagkuso-kuso sa bagyong Carina nga nagpakusog sa hanging habagat.
Kini alayon na sa pagpanghakot sa maong ahensysa sa apektadong indibidwal ngadto sa mga evacuation centers sa kaulohang Manila, Central Luzon, ingon man sa CALABARZON kon Cavite, Laguna, Batangas, Rizal ug Quezon.
Sumala sa opisyal nga listahan sa kapulisan, 11 sa maong ihap naggikan sa CALABARZON, pito sa National Capital Region, ug tulo sa Central Luzon. Sa 11, tulo ang nalumos sa Cavite, upat ang namatay tungod sa pagdahili sa yuta, samtang usa ang natumbahan og kahoy sa Batangas, ug usa usabang nakurentehan sa Rizal.
Sa laing bahin, lima ka biktima sa Metro Manila tungod sa pagkalumos ug pagkakuryente ug duha pa usab ang na-missing sa Rizal. Sa kasamtangan, wala pa nagpagawas og detalye ang Central Luzon sa hinungdan sa mga nakutloa’g kinabuhi sa ilang area of responsibility.
