BUTUAN CITY – Pakyas si Alex Eala ug ang Indonesian nga si Janice Tjen sa semifinal sa Abu Dhabi Open human sila napildi sa doubles kontra ni Tereza Mihalikova sa Czech Republic ug Olivia Nicholls sa Great Britain, sa score nga 4-6, 2-6, kagahapon Biyernes (oras sa Manila).
Ang semifinal appearance usa gihapon ka maayong milestone alang kang Eala sa iyang doubles career tungod kay nagpakita kini nga competitive siya bisan sa international stage, taliwa pa man sa ilang kapildihan ilabina nga ang exposure sa mga dula sama niini makatabang sa iyang paglambo ug pagkat-on sa mas taas nga level sa tennis.
Una nang natapos ang kampanya ni Eala sa singles kay mas sayo pa siya nga napildi sa world No. 11 nga si Ekaterina Alexandrova sa Russia, 3-6, 3-6, niadtong Huwebes.
