BUTUAN CITY – Ubay-ubay nga mga health services ang gihanyag sa Department of Labor and Employment kon DOLE ning adlawa, Lunes subay sa pagsa-ulog sa 2025 World Day for Safety and Health at Work.
Gibuksan ang maong kalihukan pinaagi sa motorkada kaganinang alas-6:30 sa buntag padulong sa usa ka hotel diin gihimo ang libreng mga health services.
Apil na niini ang libre nga cervical cancer screening, Human Immunodeficiency Virus kon HIV testing, random blood glucose testing ingon man cholesterol ug uric acid testing.
Tumong sa maong kasa-ulugan nga subling palig-unon ang ilang commitment alang sa luwas ug himsog nga workplaces.
Ang maong kasa-ulugan gisabak sa temang ‘Revolutionizing Health and Safety: The Role of AI and Digitalization at Work towards achieving Zero Accidents.’
