BUTUAN CITY – Giaprubahan na sa Senado ang sugyot nga 2025 national budget nga nagkantidad og 6.352 trilyones pesos.
Dunay 18 ka1 boto ang mipabor ug walay mikontra ug usa lang ang abstention. Una niini, gisertipikahan ni Pangulong Ferdinand Marcos Jr ang 2025 budget isip urgent diin gipalabang kini sa Senado sa ikaduha og ikatulong pagbas sulod sa usa ka adlaw.
Gipasabot ni Senate Minority Leader Aquilino Pimentel III ang iyang pag-abstain tungod kay dili kini uyon sa desisyon sa kaubanang magbabalaod. Dugang pa niini nga kinahanglan una nga makabaton og emergency nga pagsertipika sa pangulo.
Gitanggal usab sa Senado ang P39.8 bilyones pesos nga alokasyon para sa Department of Social Welfare and Development nga Ayuda para sa Kapos ang Kita Program (AKAP) ug kini giapil na sa Assistance to Individuals in Crisis Situation (AICS) program.
Nadugangan usab ang budget sa Philippine National Police para sila makatukod og 54 ka police station sa nagkadaiyang local government units.
Sa nahimong pamahayag ni Senadora Grace Poe, chairman sa Committee on Finance, giklaro niini nga ang maong budget usa ka testamento sa gihiusang panglantaw sa nasud nga nagprayoridad sa iyang katawhan.
