-- ADVERTISEMENT --
BUTUAN CITY – Dako ang pagpasalamat ni 2023 Bb Pilipinas Globe nga si Anna Valencia Lakrini sa suportaang iyang nadawat human midaog sa pageant nga gipahigayon niadtong Mayo.
Una nang misalmot ang 25-anyos nga Filipina-German beauty queen sa Bb Pilipinas 2022 kondiin natapos siya sa Top 12 apan wala siya misurender ug nagpabilin gihapon sa Pilipinas sa tinguhang makakuha og korona.
Sa eksklusibong interview sa Bombo Radyo Philippines, gipadayag niini ang iyang dakong pagpasalamat sa iyang mga higala sa Germany ug sa Bataan nga maoy hometown sa iyang inahan nga Filipina.
Nangandam na siya karon aron mabalik sa Pilipinas ang ikatulo unya nga Miss Globe crown nga himuon karong Oktukbre sa Albania.
