BUTUAN CITY – Mag-deploy ang Davao City Police Office (DCPO) ug 2,007 ka mga pulis aron masiguro ang malinawon ug hapsay nga 2025 midterm election kondiin sa maong ihap, 534 ang gitahasan nga i -secure ang 266 ka mga polling centers sa siyudad sa mismong adlaw sa eleksyon.
Sigon ni Davao City Police Office spokesperson Captain Hazel Tuazon, mihimo na sila og simulation exercises aron mas maayo ang dagan sa eleksyon ug daling makaresponde panahon sa emerhensya.
Gipaniguro usab niini nga muhatag sila security coverage alang sa himuong miting de avance sa mga Duterte-aligned senatorial candidates bisan og wala’y hangyo niini ang organizing party.
Dugang ni Tuazon, wala matud pa’y angayang ikatingala sa presensya unya sa SWAT team atol sa rali tungod kay sila ang gitahasan sa pag-secure sa maong kalihukan nga wala’y bahid nga kolor sa pulitika.
Sa pagkakaron, wala’y naala nga election-related incidente sa maong siyduad ug gila-umang magpadayon kini human unya sa eleksyon.
