BUTUAN CITY – Gila-umang ma-enact na sunod semana gikan sa Lunes hangtud sa Miyerkules ang 200-pisos nga legislated wage increase alang sa mga pribadong mamumuo adiser mag-adjourn ang Kongreso nga adto na mubalik sa buwan sa Hunyo human sa eleksyon.
Sa eksklusibong pakighinabi sa Bomb Radyo Butuan, gibutyag ni Rep. Raymund Mendoza sa Trade Union Congress of the Philippines kon TUCP, nga kaya pa kining mapapasar human gi-aprubahan niadtong Huwebes sa unang pagbasa.
Kung dili kini ma-sertipikahan ni Pangulong Bongbong Marcos isip urgent, gila-uman sa magbabalaud nga mapapasar kini sa ikaduhang pagbasa sunod semana samtang sa ikatulo ug katapusang pagbasa human unya sa eleksyon.
Gidugang pa niini nga tsismis lang pasi-atab nga dili makaya sa mga negosyante ang maong usbaw sa suhulan tungod kay napamatud-an na kini panahon ni kanhi Pangulong Corazon Aquino.
Gawas pa, ang suhulan karon sa mga pribadong mamumuo dili na maka-agbat sa grabe kamahal sa mga palaliton tungod kay ang katapusang legislated wage hike, natigayon man 21 ka mga tuig na ang nakalabay.
Ang ma-exempt lamang matud pa niini mao kadtong mga negosyong duna lama’y napulo ka mga empleyado pa-ubos.
