BUTUAN CITY – Misaka pa sa 200-mil pesos ang reward money nga gipagawas sa Police Regional Office kon PRO-13 sa bisan kinsang makatudlo sa mipatay sa Small Town Lotto kon STL Teller sa may Barangay Manapa, Buenavista, Agusan del Norte.
Mahinumdumang gipatay si LECEL MADRIA ORDINA, 34-anyos, minyo og residente sa Purok 3-A, sakop sa maong barangay niadtong Hunyo 27, 2019.
Nahimong brutal pa ang kamatayon sa biktima niadtong gabii nga magremit na unta kini sa iyang kita ngadto sa ilang silingan nga maoy muhatod sa kwarta sa sentrong bahin sa maong lungsod gikan sa naplastaran sa iyang pwesto sa Purok 6.
Napalgan na lang siyang nagkadugo na nga naglingkod sa baybay nga bahin rason nga dali kining gidala sa ospital.
Gipangutana pa kini sa iyang anak kung kinsa ang mihimo niini kaniya apan wala matud pa siya maka-ila hangtud nga nakabsan na kini sa iyang kinabuhi pasado alas-dies sa gabii.
Lakip sa kumpirmahon kung gilugos ang biktima tungod kay na-os os na sa ubos sa iyang tiil ang iyang pantalon og underwear.
