BUTUAN CITY – Pasakahan og kasong may kalapasan sa section 5 og section 11 sa Article II sa RA 9165 ang usa ka lalaking nasapon sa drug buybust operation kagabii sa alas 7:00 ang takna sa may Purok 5, Brgy. Mangagoy, Bislig City.
Naila ang nadakpan nga si Jhun de May Buenavista alias Jhun diin nakumpiska gikan kaniya ang 6 ka sachet nga dunay sulod sa gitoohang shabu. Mitimbang kini sa gibana-banang 50 gramos nga dunay market value nga 200-mil ka pesos.
Lakip sa nakumpiska ang usa ka one thousand peso nga nagsilbing marked money og 19 ka book nga tag-usa ka libo ka pesos nga boodle money. Gihimo ang operasyon sa mga ginsakupan sa Philippine Drug Enforcement Agency kon PDEA-Surigao Del Norte kauban ang Surigao Del Sur Provincial Office og Bislig City Police Station.
Sa karun gikustudiya na sa Bislig City Police ang na-aresto alang sa tukmang disposasyon.
