BUTUAN CITY – Baynte ka mga barangay ning siyudad sa Butuan ang gi-ilang dengue hot spot base sa gihimong surveillance og inspeksyon sa Department of Health kon DOH-Caraga uban sa pag-abag sa lokal nga kagamhanan.
Lakip niini ang Bading, Libertad, San Vicente, Villa Kananga, Ambago, Mahogany, Obrero, JP Riszal, Limaha, Bonbon, Golden Ribbon, Tandang Sora, Baan Riverside, Agusan Pequeño, Maug, Taguibo, Buhangin, Baan Km. 3, Ampayon og Doongan.
Sigon ni Konsehal Cherry Mae Busa – chairman sa Committee on Health sa Sangguniang Panlungsod, ang deklarasyon tungod sa padayong pagtala og mga kaso sa dengue sa nasangpit nga mga barangay og padayong pagsaka sa ihap sa mga nataptan niini.
Nasayrang hangtud karon, puno-puno ang mga ospital ning siyudad sa Butuan tungod sa kadaghan sa mga gipa-admit tungod sa nasangpit nga sakit. (Beth Ruiz)
