BUTUAN CITY – Gi-andam na ang kasong ipasaka batuk sa duha ka mga tigpayuhot sa ginadiling drugas human nasikop sa police operation isip kabahin sa hugot nga kampanya sa giyera kontra drugas sa Duterte Administration.
Sigon ni PRO13 Regional Director Police Chief Superintendent NOLI A ROMANA, nasikop sa hiniusang puwersa sa Provincial Drug Enforcement Unit sa Adusan Del Sur, Trento Municipal Police Station, ADS PMFC/SWAT kauban ang PDEA -Caraga ang suspek nga si Nande Conde, 34-anyos nga taga Brgy. Poblacion, Trento, Agusan del Sur pinaagi sa pag- implementar sa Search Warran og nalista isip Street Level Target- Pusher.
Nakumpiska sa iyang posisyon 15 ka gramos nga shabu nga nagkantidad ug 177-mil pesos, ug lima ka pakete sa pina-ugang dahon sa Marijuana nga balor 2-mil 750 pesos.
Samtang ang Drug Enforcement sa Tubay Municipal Police Station kauban ang PDEA-Caraga misikop sa giilang Lioncio Flores, 22-anyos nga taga Brgy. Victory, Tubay, Agusan del Norte pinaagi sa buy-bust operation ug nalista isip Newly Identified Drug Personalities.
Nakumpiska atol sa operasyon ang 0.5 gramos nga shabu nga nagkantidad ug 5-mil 900 pesos, lima ka stick sa Marijuana ug 500 peso bill isip marked money.
