BUTUAN CITY – Dakpan ang 2 ka personalidad sa gikasang anti-illegal drug operation kaganinang alas 9:00 sa buntag sa us aka boarding house sa may Purok-8, Barangay JP Rizal, Butuan City.
Naila ang mga na-aresto nga sila Rommel Jakosalem Redoblado, 40-anyos, dunay kapuyo nga lumad nga taga Purok-5, Barangay Calabayan, Ozamis City, Misamis Occidental, kansa maoy target sa operasyon.
Gisikop usab ang na-abtan sa iyang kwarta nga si Jake Randy Saubon, igsoon sa kapuyo sa target nga taga Purok-5, Barangay 2 sa lungsod sa Buenavista, Agusan Delm Norte.
Nakuha sa posisyon sa target ang 3 ka sachet nga dunay sulod sa gitoohang shabu samtang usa ka sachet usab sa mibisita lang nga si Saubon nga gibutang diha nsa keypad sa iyang cellphone.
Gibana-banang mitimbang sa 3 gramos ang nakuhang drugas nga dunay market value nga 35-mil 400 pesos.
Lakip pa sa nakuha ang nakadaiyang illegal drug paraphernalia, cellphone ug cash nga kapin sa 2-mil pesos.
Ang nadakpang mga suspetsado apil na ang nakuhang mga butang gidala sa Butuan City Police Station kon BCPS-1 alang sa tukmang disposasyon.
