BUTUAN CITY – Nagpadayon ang hot pursuit operation sa mga sakop sa 36th Infantry Battalion, Philippine Army batuk sa misibat nga mga rebeldeng mga membro sa Regional Operational Command sa New People’s Army, Northeastern Mindanao Region.
Kini human ang engkwentro pasado alas-4:50 kagahapon sa hapon sa Sitio Bungkuan, Brgy. San Juan, Bayugan City sa lalawigan sa Agusan del Sur.
Ang maong engkwentro mikalas sa kinabuhi nila 1st Lt. Rod Michael Aspiras og Sgt. Ruben Canoy samtang angol usab sila Cpl. Ruel Apura, Cpl. Rociller Guiriro og PFC Christian Levy Penus.
Nasayrang nagpahigayon og security patrol ang maong batalyon dihang ilang na0engkwentro ang 15 ka mga membro sa NPA sulod sa 20-minuto kondiin nag-detonate og improvised explosive device ang NPA hinungdan sa natalang casualties.
Gidudahan usab nga duna’y casualties sa panig sa mga rebeldeng NPA tungod sa mga lama sa dugo nga napalgan sa mga lugar nga ilang gi-agian samtang pasibat gikan sa pwersa sa mga sundalo. (Beth Ruiz
