BUTUAN CITY – Padayon karung giila ang 2 sa upat ka mga Motornapper nga napatay human misukol sa otoridad sa sayung buntag sa nakalabay nga adlaw sa Tago, Surigao Del Sur.
Sigon ni Police Major Rennel Serrano, Regional Information Office sa Police Regional Office kon PRO-13, nagpahigayon og checkpoint ang mga personahe sa Tago Municipal Police Station og 3rd Special Force Battalion alas 4:45 sa buntag sa crossing road, Brgy. Jubang Tago, Surigao Del Sur alayon na sa taho nga ang mga suspetsado sa motornapping incident nga natigayon sa Prosperidad ug San Francisco, Agusan del Sur moagi sa ilang dapit.
Sakay ang mga suspetsado sa orange Honda XRM-125 pog itom nga Kawasaki CT-100 motorcycle nga parehong walay plaka numero, gipahunong kini sa kapulisan alang sa inspection apan imbes nga muhong, kalit hinoon nga nagpadagan ang mga niini rason sa nahitabong ginukdanay.
Mihunong ang mga suspetsado og gi-abandona ang motorsiklo sa Sitio Cabugi, Brgy Unidos og namusil ngadto sa mga tropa sa kagamhanan.
Padayong gisundan sa mga otoridad ang mga suspek hangtud hangtud na sa ilang safe house diin nahitabo ang dugoong engkuwentro.
Naila ang duha sa mga suspetsado nga sila Nuluddin Abbilani Hadjula, 60-anyos ug residente sa Sionogan, Indanan, Sulu og Alkamar Uding Nuluddin, 24-anyos gikan sa Takut-takut, Jolo, Sulu.
Nakuha sa lugar nga nahitaboan ang duha pa ka lawas sa wala mailang suspetsado diha sa kasagbutan nga bahin; ang usa ka caliber 45 Colt MK1V nga walay Serial Number; usa ka Ingram M11; tulo ka magazine sa Ingram M11; silencer tube sa Ingram M11; tulo ka magazine sa caliber .45; 96 ka basyu sa bala sa kalibre 45 nga pistola; duha ka basyu sa 5.56mm; duha ka fired bullet sa 5.56mm; duha usab ka basyu sa bala sa 40MM; duha ka fragmentary grenade; Orange Honda XRM-125 nga walay Plate Number; itom nga Kawasaki CT-100 walay Plate Number; og mga yawe niini.
Ang upat ka patay’ng lawas gidala sa usa ka pribadong punerarya sa Brgy Rosario, Tandag City, samtang padayon ang follow-up investigation aron mailhan duha ka unidentified suspects.
