BUTUAN CITY – Duha sa tulo ka mga wushu secondary boys ang gi-recruit na sa Wushu Federation of the Philippines kon WFP aron mu-apil sa maong grupo human nakita ang ilang makabilib nga performance atol sa Palarong Pambansa 2017 sa Antique.
Gikumpirma kini ni Miguelito Paler – coach sa wushu secondary boys sa pakighinabi ning sibyahan.
Naila ang mga na-recruit nga sila Kevin Maturan gikan sa Buenavista, Agusan del Norte og si Joshua Collado sa dakbayan sa Butuan.
Gibutyag sa opisyal nga tulo matud pa sa ilang mga wushu players ang naka-abot sa semi-finals kinsa mi-away og sakto apan hangtud lang sa bronze medals ang ilang nasakmit.
Apan ang dakong kalampusan nga ilang nakab-ot mao ang pagpa-apil na sa duha kanila ngadto sa maong grupo hinungdan nga dili na sila makadula pa alang sa Caraga Region kondili bandila na sa Pilipinas ang ilang dalhon sa ilang apilang mga away gawas sa nasud.
Dugang pa ni Paler, misugot nang daan ang maong mga magdudula og ang kumpirmasyon na lang sa ilang ginikanan ang ilan g gi h ualt aron pormal na silang makasulod sa maong kahugpungan.
Giklaro sa opisyal nga bisan og mawad-an siya og mga maayong wushu fighters, apan duna pa siya’y daghang mabansay aron musunod sa ilang tunob og posibleng mulabaw pa.
Wala matud pa’y problema kaniya ang training apan mi-apela siya nga unta, duna’y mu-sponsor kanila sa mga gamitong ekipos.
Pinaagi matud pa niini, dako ang posibilidad nga makakuha sila og medalyang bulawan sunod tuig ilabina nga kini ang unang higayon nga mi-apil sa maong sporting event ang Caraga Region. (Beth Ruiz)
