BUTUAN CITY – Duha na usab sa na-unang 16 ka tropa sa kagamhanan nga gidagit sa mga rebeldeng New People’s Army kon NPA niadtong Disyembre 2018 sa managlahing lugar ng Agusan provinces ang gibuhian sa bukirang bahin sa Agusan del Norte.
Gilangkuban kini sa mga CAFGU members nga sila AJ Reginal sa 29th Infantry Battalion og Bernabe Salahay sa 23rd IB, Philippine Army.
Sigon ni Ka Sandara – nagpa-ilang tigpamaba matud pa sa NPA Northeastern Mindanao Region sa eksklusibong interview sa Bombo Radyo Butuan, ang ikaduhang round sa pagbuhi sa ilang mga bihag kabahin sa tulo ka mga rounds nga ilang himuon tungod sa managlahing lugar nga nahimutangan sa ilang mga prisoners of war.
Gitin-aw usab niini nga ang duha dili kabahin sa unang 12 ka mga CAFGU members og duha ka mga sundalong ilang gibihag human ang wala’y buto nga pag-raid nila sa army detachment sa Brgy. New Tubigon sakop sa lungsod sa Sibagat, Agusan del Sur.
Kini tungod kay nadakpan sila human ang engkwentro sa bukirang bahin sa lungsod sa Remedios T. Romualdez kon RTR sa lalawigan sa Agusan del Norte.
Mahinumdumang ning mi-aging semana, una nang gibuhian sa bukirang bahin usab sa Bayugan City sa Agusan del Sur ang unom nila ka mga bihag. (Beth Ruiz)
