(pictures courtesy of Richard Grande)
BUTUAN CITY – Padayon pang gi-ila sa kapulisan sa Rosario, Agusan del Sur ang identity sa duha ka mga batan-ong gitu-uhang rebeldeng New People’s Army kon NPA nga nakalas atol sa engkwentro tali sa pwersa sa kasundaluhang sakop sa 75th Infantry Battalion, Philippine Army.
Sigon ni P/Sr. Insp. Aldrin Camo sa eksklusibong interview sa Bombo Radyo Butuan, natigayon ang engkwentro pasado alas-kwatro sa hapon kagahapon sa may Kiat Creek, Sitio Bagong Silang, Brgy. Bayugan 3, sakop sa maong lungsod.
Gibiyaan sa ilang mga ka-ubanan ang nasangpit nga mga batan-ong rebelde hinungdan nga napakanaog kini sa tropa sa militar uban ni Barangay Kapitan Reynaldo Cuyos padulong sa sentrong bahin sa maong lungsod kagabii.
Gihaya na sa usa ka punerarya sa maong lungsod ang duha ka patay’ng lawas og padayong gipa-abot sa mga otoridad ang mga kabanay nga posibleng mu-claim niini. (Beth Ruiz)
