BUTUAN CITY – Hatagan og desenteng lubong sa militar ang duha ka wala pa gihapon ma-ilang mga rebeldeng New People’s Army kon NPA nga napatay atol sa engkwentro ning mi-aging alas-3:45 sa hapon sa Brgy. Bunawan Brook, lungsod sa Bunawan, Agusan del Sur.
Sa eksklusibong pakighinabi sa Bombo Radyo Butuan, gipadayag ni Capt. Edwin Leo Francisco – Civil Military Operations kon CMO officer sa 75th Infantry Battalion, Philippine Army nga mga membro sa Guerilla Front 14 nga naglihok sa kabukirang utlanan sa mga lalawigan sa Agusan del Sur og Surigao del Sur.
Nakuha gikan sa ilang posisyon ang tag-usa ka M16 armalite rifle, AK 47 rifle, kalibre 45 nga pistola, hand grenade, ingon man empty magazines sa AK47 ug M16 ug mga backpacks.
Alayon niini, nanawagan ang opisyal sa tanang mga rebeldeng nagpabilin pa sa walhong kalihukan nga mutahan na tungod kay mas gipakusgan pa sa kagamhanan ang pagtapos na sa insurhensiya pinaagi sa gimugnang national task force.
