BUTUAN CITY – Gi-andam na ang kasong ipasaka batuk sa duha ka tigpayuhot sa ginadiling drugas human kini nasikop sa gipahigayong buybust operation sa niaging alas 6:30 sa sayung gabii sa may Purok-8, Barangay Tungao ning siyudad sa Butuan.
Naila ang suspetsado nga sila Mowel Morado Casira, 21-anyos, menyu nga taga Zamboanga Sibugay og Kimzar Morado Casira 28-anyos, olitawo ug taga Barangay Remedios lungsod sa Esperansa, Agusan Del Sur.
Gihimu ang operasyon sa mga ginsakpan sa Butuan City Police Office kon BCPO diin nakuhaan ang mga suspek ug 9 ka sachet sa gitoohang shabu nga gibana-banang motimbang ug 11 gramos nga dunay market value nga 129-mil 800 pesos.
Lakip sa nakuha ang 2 ka cellphones ug daghang mga illegal drugs paraphernalias.
Mag-atubang sa kasong paglapas sa Republic Act kon RA 9165 ang mga suspetsado nga gikustudiya na karun sa Butuan City Police Office alang sa tukmang disposasyon.
