BUTUAN CITY – Naghatag og tabang pinansyal ang buhatan ni Speaker Ferdinand Martin G. Romualdez sa duha ka Pilipinong atleta nga morepresentar sa nasud sa Paris Olympics.
Si Head Executive Assistant of the Office of the Speaker, Director V Atty. Lemuel “Muel” Romero, ang nagtunol sa cash assistance nila Levi Jung-Ruivivar ug Carlos Edriel Yulo, parehong gymnasts, atol sa usa ka simpleng seremonya sa Kamara de Representantes.
Mahinumduman nga niadtong Mayo 22, mibisita kang Speaker Romualdez ang delegasyon sa mga atletang Pilipino nga modula sa Paris sa pagpanguna ni Samahang Weightlifting ng Pilipinas President Monico Puentevella.
Gihatagan usab sa buhatan ni Speaker Romualdez og tabang pinansyal ang mga atletang modula sa Olympics kauban ang mga weightlifter nga sila John Ceniza, Eireen Ando, ug Vanessa Sarno, ug ang rower nga si Joanie Delgaco. Gipaabot ni Speaker Romualdez ang pagdayeg sa mga atleta nga naningkamot ug nagsilbing inspirasyon sa kadaghanan.
Sumala sa lider sa Kamara ang mga atletang Pilipino nga mosalmot sa Paris Olympics nagpakita sa talento ug competitive spirit sa mga Pinoy sa pangkalibutanong lebel.
