-- ADVERTISEMENT --
BUTUAN CITY – Duha ka tawo ang patay samtang usa ang nadala sa ospital human natabunan sa midahiling yuta kagahapong adlawa sa Diversion Road, Brgy. Tubo-Tubo lungsod sa Cagwait, Surigao del Sur.
Sumala pa, naghakot lamang ang mga biktima og yuta kilid sa bungtod sa mismong gi-construct nga evacuation center kansa padulong sa Cagwait Beach.
Kalit na lang midahili ang yuta ug nitabon kanila kondiin ang usa sa mga biktima naila nga si Danny Olaer, residente sa may Purok Ipil-Ipil, sakop sa susamang barangay.
Ang pila ka adlaw nga pag-ulan maoy gitu-uhang hinungdan nga mihumok ang yuta sa bakilid nga bahin rason sa pagdahili niini.
