BUTUAN CITY – Misangpot sa dugu-ong komosyon ang unta, hapsay nga pagpahigayon sa Barangay ug Sangguniang Kabataan elections sa Barangay Bugawas sa Datu Odin Sinsuat, Maguindanao del Norte, nga miresulta sa duha ka patay ug lima ka angol.
Sigon ni Barangay Captain Abdulmain Abas, pasado alas-5:00 hangtud alas-6:00 kaganinang buntag dihang natigayon ang maong insidente.
Nasayrang kapin sa 400 ang mga botanteng nag-atang sa polling precinct ang nakuratan dihang kalit lang mi-abot ang kolor itom nga Hilux nga gisundan gilayon sa komosyon, nga gisundan pa sa pinusilay.
Gitu-uhan sa kapitan nga gikan sa ka-atbang nga grupo ang mga responsable.
Una nang gikumpirma ni Datu Odin Sinsuat Chief of Police Lt. Col. Esmael Madin ang maong insidente, pila ka oras adiser nagbukas ang mga presinto.
