BUTUAN CITY – Duha ang patay samtang laing tulo ang angol nga pulos taga-Hapao, Hungduan, Ifugao human nahulog ang gisakyan nilang ambulansiya sa Hungduan Municipal Hospital sa Talubin, Bontoc, Mountain Province kaganinang buntag.
Base sa report ti Bontoc Municipal Disaster Risk Reduction and Management Office, pauli sa Hungduan, Ifugao ang ambulansiya lulan ang lima ka mga indibidwal nga gikan sa Luis Hora Regional Memorial Hospital sa Bontoc, Mountain Province dihang nahulog human gisubay ang kalsada.
Tungod sa insidente, gideklara ni Bontoc Municipal Health Officer Dr. Diga Gomez nga dead at accident site ang mga biktimang sila Earole Kurt Akiate, 21 ug Franklin Angawa, 37 driver sa ambulansiya.
Gidala usab sa ospital sila Rexton Abluyen Duyapat, 20; Nelda Joy Angawa Tapyugon, 23, social worker sa Hungduan Municipal Hospital ug Anabelle Attang, 32, nursing attendant sa susamang ospital.
Naglusad na og cleansing ritual ang mga residente ug opisyal sa Mountain Province human ang aksidente.
